Дәнекерлеу ісінде жаңа мүмкіндіктер

Кезкелген мемлекеттің әлеуметтік, экономикалық дамуы сол елдің білім жүйесі мен азаматтарының білім дәрежесіне байланысты. Осы орайда Қазақстанды әлемдегі бәсекеге барынша қабілетті елдердің қатарына енгізуде білім беру ісі басты құрал болып табылады. Халқымыздың ардақты ұлдарының біріМіржақып Дулатұлы: «Жалғыз сүйеніш, жалғыз үміт – оқуда. Теңдікке жетсек те, жұрттығымызды сақтасақ та, дүниедегі сыбағалы орнымызды алсақ та, бір ғана оқудың арқасында аламыз. Жақсылыққа бастайтын жарық жұлдыз – оқу» – деп ғылым, білім, оқудың маңызын халыққа көрсеткен. Демек бізге Отандық білім жүйесін халықаралық білім кеңістігінде еңбек нарығы бәсекелестігін қамтамасыз ететін білім сапасының дәрежесін жоғарылату шарт. Оның ішінде технократтық саланы дамыту арқылы бәсекелестікте жеңіске жету анағұрлым маңызды екенін қазіргі нарық заманының өзі мойындадып отыр. Себебі әлем елдері түрлі технология өндіру арқылы дамудың жаңа белесіне қадам басты. Бізге сол үрдіске бейімделіп, көшке ілесу маңызды. Осы орайда «Сабақ беру – үйреншікті жай шеберлік емес, ол – үнемі жаңадан жаңаны табатын өнер» деген Жүсіпбек Аймауытовтың сөзін айта кету артық болмас.

Іс-әрекетте болмаған нәрсе санада да қалыптаспайды. Сондықтан болашақ маман өзара бірлескен белсенді іс-әрекеті арқылы ғана саналы білімдерді қалыптастыруға болады. Осы орайда қаламыздағы іргелі оқу орның бірі Арал индустриалды-техникалық колледжі жас өрендерді біз айтқан техникалық мүмкіндіктерге баулуда маңызды рөл атқарып келеді. Қазірде «TALAP» КЕАҚ қолдауымен «Жас маман» – техникалық және кәсіптік білім беруді жаңғырту жобасы іске асырылып, «Дәнекерлеуші» мамандығына соңғы үлгідегі «LINCOLN ELECTRIC» заманауи құрал жабдықтармен жабдықталған. Қазіргі таңда «Дәнекерлеу ісі» бойынша шәкірттер күнделікті өз мамандықтарын игеруде. Мұнда түрлі-түсті маталлдармен жұмыс жасап, іскерлік бағытқа бейім жас мамандар өз нәтижелерін көрсетуде.

Дәнекерлеу – бұл бөліктердің материалына қарағанда төменгі балқу нүктесіне иебалқытылған металдың (балқытқыш) осы бөліктердің арасында енгізу арқылыәртүрлі материалдардан бөліктердің интегралдық қосылысын алу үшінпайдаланылатын технологиялық операция. Сондықтан бұл кәсіп бойынша біліктілігін арттырған еліміздің ендігі буыны түрлі салада абыройлы еңбек етіп, еліміздің дамуына айрықша үлес қосары сөзсіз.

Қаржаубай ӨТЕГЕНОВ,

Арал индустриалды-техникалық

колледжінің оқыту шебері