Сайлауға санаулы күн қалды

Әне-міне дегенше Парламент пен облыстық, аудандық мәслихат депутаттарын сайлау додасы мәреге жақын қалды. Ел тарихының дамуына үлес қосып, өзінің азаматтық позициясымен көп көкейіндегі мәселелерді шешуге ниет білдірген үміткерлер саяси науқан барысында партиялармен өз-өзін ұсынған жеке тұлғалар осынау тарихи сәттің көрігін қыздыруда.

Мемлекет басшысы Қасым-Жомарт Кемелұлының сындарлы саясатын жүзеге асыруға атсалысып, халық алдында ұлттық мүдде жайына сөз сабақтауға тәуекел еткен үміткерлерге тек сәттілік тілейміз. Айы оңынан туып, халық сеніміне ие болған олардың мемлекеттік мәселелерге сергек қарап, Отанның өркендеуіне теңізге құйған тамшыдай болса да үлес қосатынына сенеміз. Сол себепті барша аудан халқын сайлаға түгел барып, бюллетень салуға шақырамыз.

Ж.ӘБДЕШОВА,
Ақбай ауылы
көп балалы ана