Тараптар партисипативтік келісімге келді
Арал аудандық соты талап қоюшы У-дың жауапкер К-дан ақша қаражатын өндіру туралы азаматтық істі қарай отырып, тараптардың адвокаттары жасасқан дауды партисипативтік тәртіпте реттеу туралы келісімді бекітті.Талап мәні бойынша, жауапкер талап қоюшыға берешегін қайтару жөніндегі борышын орындамаған. Осыған орай, талап қоюшы одан 2 000 000 теңге өндіріп беруді сұраған талаппен сотқа жүгінген.
Сот отырысында тараптардан дауды партисипативтік тәртіпте реттеу туралы өтінішхат түскен. Оның шарттары бойынша талап қоюшы жауапкерге қойған талабынан бас тартады, ал екінші тарап, берешегін келісімде көзделген мерзімде төлеп құтылуды міндетіне алған.
Партисипативтік келісімге тараптардың адвокаттары қол қойып, сотқа бекіту үшін ұсынған.
Арал аудандық сотының баспасөз қызметі
