Жылу беру маусымындағы өрт қауіпсіздігі
Өрт – тілсіз жау! Жылу беру маусымында өрттер саны артатыны баршамызға белгілі. 2022 жылы орын алған өрттердің басым көпшілігі тұрғын үйлер үлесінде. Олардың шығу салдарын саралайтын болсақ, 60%-ға жуығы жылыту пешінің құрылысы кезіндегі өрескел қателіктер мен пайдалану ережелерінің сақталмауынан шығады. Ал қалған бөлігі тұрғын үйдегі электр жүйесінің ақаулары, газ ошағын пайдаланудағы аңғалдықтар, ашық отты пайдалану, балалардың отпен ойнауы салдарынан орын алған өрттерге тиесілі. Жылу беру маусымында тағы да аса мән беретін жағдай, қыс қаһарына мініп, күн суытқанда үйдегі жылыту пешін барынша қыздырып жағатынымыз белгілі. Осы орайда, жылыту пешінің ақауы, яғни пеш құрылысы кезінде өрт қауіпсіздігі талаптарының сақталмауы немесе пеш құрылысы көнеріп, уақытысында тазартылмауы – өрттің шығуына немесе көмірқышқыл газымен улануға негіз болады. Сондықтан, баспанамыздың қауіпсіздігіне немқұрайлы қарамай, өрт қауіпсіздігі талаптарын қатаң сақтайық!
Өрт қауіпсіздігіне байланысты сұрақтар бойынша 2-15-97, 2-22-69 нөмірлеріне хабарласуға болады. Өрт қауіпсіздігі қағидаларының талаптарын орындауға, сақтауға әрбір азамат міндетті!
Арал ауданының Төтенше жағдайлар бөлімі
