Қарттардың ықыласына бөленді

«Қарты бар елдің қазынасы бар» деп халқымыз бекер айтпаған ғой. Ардагерлерді ардақтау ата салтымыздан бергі мызғымас қағида. Осы орайда Арал аудандық мәслихатының депутаты Еркебұлан Аяғанов пен Сексеуіл кентінінің арадагерлер кеңесінің төрағасы Бақытжан Жолмырзаев және аурухана меңгерушісі Динара Битуғановамен бірге Сексеуіл кентіндегі ауруханада ем алып жатқан қарттармен кездесу ұйымдастырды.

Кездесу барысында қарттарымызбен сұхбаттасып, жағдайларын біліп, аман -есен жазылып кетулеріне өз тілектерін білдірді. Және ем алып жатқан қарттарымызға арнайы дайындалған сыйлықтар үлестірді. Кездесу барысында ем алып жатқан қарияларға ауданымызда,  “ҚТЖ”ҰК” АҚ-да болып жатқан жаңалықтармен бөлісіп және алдағы уақытта кентімізде атқарылатын жұмыстармен таныстырдық.

Өз кезегінде қарттарымыз аурухананың қызмет көрсету сапасына және білікті дәрігер Динара Баянбайқызына өз алғастырын білдіріп, елеп-ескеріп келіп жатқан сала басшыларына ақ баталарын берді.