Бүгін 1-қазан күні қалыптасқан дәстүр бойынша бүкіл әлемде Халықаралық Қарт адамдар күні атап өтілуде.Осы орайда аудан әкімі Мұхтар Әуесұлы аудандағы әр салада қызмет жасаған қарттармен кездесу өткізді.
Алдымен ардагерлерді «Халықаралық қарттар күні» меркесімен құттықтаған аудан басшысы: -« Біз, әрқашан қариясын қадірлеп, ардагерін ардақтаған текті елдің ұрпағымыз. Тәжірибесі мол аға буынның өмір жолы жас ұрпақ үшін аса құнды. Қазыналы қарттарымыздың қатары ортаймасын. Баршаңыздың дендеріңізге саулық, отбасыларыңызға бақ-береке, ырыс-несібе тілеймін!»- деп мерекелік лебізін білдірді.
Сонымен қатар, ауданда атқарылып жатқан бірқатар  істер жөнінде ортаға салып, ой бөлісті.
Кезінде ауданның  игі істерінің басатамашысы болған аға буын өкілдері ризашылықтарын білдіріп, ұсыныс-пікірлерін жеткізді.
Кездесу соңында елдің қадірлі қарттарына сый-сияпат табысталды.
Өз кезегінде қариялар аудан әкімінің қызметіне табыс, алдағы істеріне сәттілік тілеп, ақ баталарын берді.