Аудан тұрғындарын қауіпсіз ауыз сумен қамтамасыз ету шарлары туралы

Арал ауданы бойынша тұрғындардың орталықтандырылған ауыз сумен 92,5 пайызды, 7 пайызы Ақбасты, Құланды, Сазды, Күршек, Мойнақ, Абай, Тоқабай, Көктем, Ерімбетжаға, Жіңішкеқұм елді мекендерінің тұрғындары орталықтандырылмаған яғни құдықтардан, 0,5 пайызы Тастүбек, Көне Бөген елді мекендерінің тұрғындары тасымалды жолмен қамтамасыз етіледі. Ауданымызды орталықтандырылған ауыз сумен «Арал-Сарыбұлақ топтық су құбыры» өндірістік бөлімшесі Қосаман елді мекеніндегі «Толағай» су кен орнындағы жерасты су көзімен көршілес Қазалы ауданымен қоса қамтамасыз етіп отыр. Өндірістік бөлімше аудан тұрғындарын ауыз сумен өзіне қарасты 33 су айдау насосты стансалары арқылы қамтамасыз етеді. Су айдау насосты стансалары басқарма тарпынан санитариялық-эпидемиологиялық қорытынды алып, жұмыс жасауына рұқсат берілген. Қазіргі таңда өндірістік бөлімшеге қарасты насосты стансалардың барлығы дерлік жаңартылған немесе күрделі жөндеу жұмыстары жүргізілген. Ал ағымдағы ақаулар уақытылы жойылуы және су құбырындағы авариялық жағдайлар жою, артынша локальды жуу-залалсыздандыру жұмыстарын жүргізу жолға қойылған.Орталықтандырылған ауыз су жүйесімен қамтамасыз ететін «Арал-Сарыбұлақ топтық су құбыры» өндірістік бөлімшесіне қарасты ведомстволық зертханасымен ай сайын су құбырына жіберілетін ауыз су сапасына зерттеу жұмыстары жүйелі жүргізіліп отырады.
Сонымен қатар өндірістік бақылау жүргізуге келісім-шарт негізінде «Ұлттық сараптама орталығы» Арал аудандық бөлімшесімен ауыз су сапасына зерттеу жұмыстары жүргізіледі.
Басқарманың бақылауымен жылына екі рет көктемгі және күзгі жуу-залалсыздандыру жұмыстары жүргізіліп отырады. Арал аудандық санитариялық-эпидемиологиялық бақылау басқармасының аудан көлеміндегі ауыз су сапасына мониторинг жүргізу барысында ай сайын орталықтандырылған және орталықтандырылмаған (құдық) ауыз су жүйелерінен зерттеуге 491 су сынамалары алынып, зерттелді. Зерттеу нәтижесімен ауыз су сынамалары қағида талаптарына сай болды.
Қазіргі таңда ауданымыздың Ақбасты, Абай, Тоқабай, Көктем елді мекендеріне орталықтандырылған ауыз су жүесімен қамтамасыз ету мақсатында су құбырларын жүргізу жұмыстары жүргізілуде.
Арал аудандық Сэбб басшысы А.Сатекеева