Толқын Арал аудандық қоғамдық-саяси газет
» » Арал ауданындағы 49 елді мекен ауыз су жүйесімен қамтылды

Арал ауданындағы 49 елді мекен ауыз су жүйесімен қамтылды

Аудандағы 49 елді мекеннің 38-і (78%) орталықтандырылған ауыз су жүйесімен қамтылды.
2019 жылғы 29 шілдеде ҚР Үкіметімен мақұлданған елді мекендерді 2023 жылдың соңына дейін сапалы ауыз сумен жабдықтауды жүз пайыздық қамтамасыз ету жөніндегі Жол картасына сәйкес, Арал ауданы бойынша барлық елді мекендерді ауыз су жүйесіне қосу жоспарланған.
Соған байланысты Шөміш, Қарашалаң елді мекендерімен Арал қаласындағы 1 мөлтек ауданы ауыз су жүйесіне қосылса, осы жылы 6 елді мекенді (Қосаман, Ақбасты, Тоқабай, Абай, Көктем, Аққұлақ) қосу жоспарлануда.
Тағы оқыңыз: Арал ауданында жыл қорытындыланды, жаңа міндеттер нақтыланды
Сонымен қатар, 2017 жылдан бастап 1,2 млрд теңгеге Қосаман елді мекенінде орналасқан Арал – Сарыбұлақ топтық су құбырының бас тоған ұңғымаларына күрделі жөндеу және 2020 жылдан бастап Бөген – Қарашалаң қосу тармағына қайта жаңғырту жұмыстары жүргізілді.

Арал ауданы әкімдігінің баспасөз қызметі  
04 ақпан 2021 ж. 70 0