Алтын қолды ару
Алтын жүректі ару Нұргүл Сақташқызы айдынды теңіз жағасындағы Арал қаласында 1991 жылы дүниеге келген. Ана¬сынан жастай айрылып, оның асыл бейнесі мәңгілік сағыны¬шына айналған. Ардақты әкесі Сақташ пен қамқоршыл ағасы Сәкен бүлдіршін қызды үлде мен бүлдеге орап өсіріп, өнер мен білімге құштар етті. Әр талабын қолдап отырды. Кейін анасының жоқтығын білдірмей, өз қол¬дар¬ы¬мен ұзатты. 2007 жылы №83 орта мектептің 9 сыныбын бітірген Нұргүл Арал көпсалалы колледжінің «Электронды есептеу ма¬шинасының операторы» мамандығына оқуға түс¬іп, 2010 жылы диплом алып шыққан. Алайда айналасындағы адамдарға жан шуағын шашу¬ды жаны қалайтын бой-жеткен Алматы қаласындағы «Рахат» оқу орталы¬ғында оқып, «Кәсіби ба-лалар массажы» маман¬дығын игерді.
Тәні дерт¬ті балалар¬дың тез сауығып, сала¬матты өмірге тез бейім¬дел-уіне орасан көп еңбек етті. Қайсар да талапкер ол массаж жасау деңгейін көтеру мақсатында Аста¬на, Алматы, Орал қала¬ларында кәсіби дағды-ларын жетілдіріп, «Клас¬сикалық массаж», «Лого¬педиялық массаж» бой¬ын-ша білімін көтеріп, сертификаттар алып ту¬ған жерінде қызмет ая¬сын кеңейтті.
Дертіне дауа іздеп, ал¬дына келген науқас¬тарға қол шипасын берді, сон¬ымен бірге жылы сөзімен жүрек¬теріне нұр құйған Нұргүлдің кәсіби жоғарғы деңгейі оны емделушілердің риясыз алғы¬сына бөледі, түрлі марапаттарға қол жеткізді. Арал ауданы бойынша «Жыл таңдауы – 2021» қорытындысында ең үздік атан¬ып, «Массаж мастері» атағын иемденген.
Ал 2023 жылы Орал қала¬сында өткен «Super Star» шығар¬машылық орталығы ұйым¬дастырған республикалық жыл үздігін таңдау шарасында «Үздік массаж маманы-2023» атанды. Мамандығы бойынша мәртебесі асқақтаған озат маман «Арал-Ару Ана» қоғамдық бірлесті¬гінің, «Ана үйі» қоғамдық қоры¬ның Алғыс хаттарына ие болды, «QAZAQSTAN ARDAGERI» қауымдастығы кеңесінің шеші¬мімен Бауыржан Момышұлы-ның «Батыр шапағаты» медальін кеудесіне тақты. Ал бұл мара¬патты Қазақстанның тұңғыш Еңбек Ері Аягүл Төреқызы Мира¬зованың қолынан алғаны жүрегіне мақтаныш сезімін ұялатады. Өзі үшін ең жоғары саналатын бұл марапатты ол әрдайым мақтанышпен айтып отырады.
Табысты ана өз кәсібінің қас шебері ретінде 8 жыл ішінде он мыңдаған сырқат адамның тәні мен ағзасының дертін сылап шы¬ғарды, алдына келген 200-ге жуық үгуші болуға талаптыларды бау¬лыды. Әрине, кәсіп иесінің табысты болуы оның жетік білік¬тілігіне, табанды еңбекқорлы-ғына, ізденісіне, өз ісіне шынайы берілгендігіне байланысты екен¬ін санасына сіңірген ол алға қойған мақсатына сай үнемі ізденіп, жаңашылдыққа ұмтылып келеді.
Жүзінен мейірім төгілген Нұр¬гүл Сақташқызы туған жердің бір перзенті ретінде аудандағы қайы¬рымдылық шараларына да жиі қатысып отыруды адамгершілік борышым мен парызым деп біле¬ді. Өткен жылы ерекше балаларды, олардың қамкөңіл ата-ана¬ларын қолдау мақсатында «Сен жалғыз емессің» атты шара ұйымдастырып, тілеулестерінің қолдауымен мыңға жуық баланы қуанышқа бөледі. «Бар мейріміміз балаларға» атты шараға «Арал Аниматорымен» бірлесіп қаты¬сып, жәутеңкөз балдырғандар¬дың шаттығына шаттық қосты. «25 Қазан-Қарттар күні» 25 еңбек ардагеріне дастарқан дайып, сый-құрмет көрсетіп, ақ баталарын алды.
Ол алдағы уақытта да халыққа сапалы да шипалы массаж жасай беруді жалғастыра бермек. Мас¬саж кабинетін заманауи талап¬тарға сәйкес жарақтандырып, қызмет ауқымын ұлғайтуды мұр¬ат етеді.
Оның «Махаббат пен кәсіп – өмір құндылықтарының негізгі бөлшегі. Ал сүйікті жұмыс махаббаттың ерекше түрі» деген ұстанымы бар. Осы айнымас қағидаты үнемі биіктерге жете¬лейді.
«Әлем бізбен әдемі» атты кәсіп бастағалы жүрген қыз-келіншектерді қолдау мақсатында іс шара ұйымдас¬тырып, ол өзін тәлімгер ретінде де танытып жүр.
Нұргүлдің бойындағы жақсы қасиеттерді әріптестері былай¬ша сипаттайды: «Ол ерекше еңбекқор және де өзгелерге көмек қолын созудан тартын¬байды. Ол – жолы ашық жан, адамдардың бәріне тек қана жақсылық тілейді. Өз білгенін ақыл-пұлсыз үйретеді, дастарқаны үнемі жаюлы, қонақшыл. Ғаріп жандарға садақа беруді ұнатады. Дос-құрбыға, ақшаға адал».
Нұргүл – өз ортасының қадірмені, өз әріптес¬терімен, айналасын-дағылар¬мен жақсы сыйласады. Он¬ың жұмыс кабинетінің ажар¬ын өз еңбегінің жемісі рет¬інде алған әртүрлі Алғыс хат¬тары ашып тұр. Ал өзі ең үлкен алатын алғысым науқастардың шынайы жет¬кізген ризашылығы деп біле¬ді.
Арал өңіріндегі қоғам¬дық ортада белсенділігі, өзіндік көзқарасы, жақсы талғамы бар оны ауданда өтетін «Келіні жақсының керегесі алтын», «Бұрымды қыз», тағы басқа мәдени-көпшілік шараларға әділқа¬зылық, төрелік етуге және де демеушілік жасауға жиі шақырады.
Өз кәсібінің қалыптас¬қан белгілі шебері, тәжіри¬бесі барынша толысқан, білімі мен білігін алдыға оздырған Нұргүл Сақташ¬қызының жас ұрпаққа айт¬ар өсиеті мынау:
«Жастар, Сіздер келешектің кемел тұлғасысыздар. Отанды сүю отбасынан басталады. Жан¬ұяларыңдағы бауырларыңды және айналадағы туыс-жақындарыңды жақсы көріңіздер! Олар¬дың әрқайсысына арқа сүйер болар тұлғамын деп біліңдер!
Қарбаласы көп өмірде жан¬ың¬дағыларға, айнала ортаңа ізгіл¬ікпен қара, бойыңнан махаб¬бат сезімін әсте өшіріп алма. Ата-анаңның қадіріне жете біл!
Бала¬лары жыламайтын, жан¬ұяны сезініп өсетін бүтін отбасы болу¬ды жауапкершілігіңе ал! Ата-ананың көзайымы болатын иман¬ды ұрпақ өсір!»
Айдынды өңір аруы Нұргүл Сақташқызының осынау алдына келген әрбір жанға алғаусыз жанашырлықпен адал қызмет етсем деген асқақ та алғаусыз мақсат-мұраты жүзі сынық, жаны жабырқау жерлес¬терінің жүректеріне алтын сәу¬ледей боп еніп, жандарын жады¬рата бере¬ті¬ні анық.
Талапкерлігі мен іскерлігі, кәсіби біліктілігі мен ізденім¬паздығы, қайырымдылығы мен мейірімділігі ерекшелейтін алтын қолды ару осындай жан!
Ерғали АБДУЛЛА
