Барсакелмес мемлекеттік табиғи қорығының аумағында өрт қауіпті кезең басталды!

ҚР Экология және табиғи ресурстар министрлігі Орман шаруашылығы және жануарлар дүниесі комитетінің 2024 жылғы 20 наурыздағы № 27-4/61-НҚ бұйрығы негізінде өрт қауіпті кезеңге орай Бармакелмес мемлекеттік табиғи қорығының Қасқақұлан, Барсакелмес және Дельта учаскелерінің аумағында күшейтілген тәуліктік кезекшіліктер ұйымдастырылды.Осы орайда, тұрғындарға дала және орман өрттерінің алдын алу мақсатында мемлекеттік орман қорына бару ережелерін және ҚР ормандарындағы өрт қауіпсіздігі ережелерін сақтауды сұраймыз!
Айта кетерлік жай, Барсакелмес мемлекеттік табиғи қорығының аумағында 60 мың гектарға жуық сексеуіл орман-тоғайлары орналасақан. Сонымен бірге, Қасқақұлан және Дельта учакелері аумағында қамыстың қалың тоғайлары да кездеседі. Өңіріміздің климаттық ерекшелігіне орай, жазғы ауа температурасы 40-42 градус ыстық болуы – қорық аумағында өрт мүмкіндіктерін арттырады.
Мейрамбек  Қуатов
Барсакелмес қорығының
мемлекеттік инспекторы