Баба рухын ұлықтау – ұрпаққа парыз
Халқымызда «Өткенге – салауат, болашаққа – аманат» деген дана сөз бар. Кеше мен бүгінді ой елегінде екшесек Арал өңірінде қаншама әлуие-әмбелер, бабалар мен батырлар ғибратты ғұмырымен ел жадында жатталған. Солардың бірі де бірегейі – Ислам дінін таратушы, мұсылмандықтың ақ туын биік ұстаған текті тұлғамыз Арыстанбаб тарихта қалған. Ол түркі халықтарына ислам мəдениетінің орнығып дамуына, ұлтты бір сенімге біріктіруге көмектесті. Сондай-ақ елдің ынтымағын, береке-бірлігін қалыптастырды. Мұхаммед пайғамбарымыздың (с.ғ.с) көзін көрген сахабаның өміршең өмірін ұлықтау – бізге парыз. Себебі жаһанда жеті жерде қалған тұлғаның Арал ауданында да орны болғаны біздер үлкен мақтаныш. Бүгінде бабамыздың есімін келешек ұрпақтың жадында мәңгі жаңғырту мақсатында Ақирек ауылдық округіндегі «Арыстан баб» кесенесіне жаңадан түнеухана, автотұрақ, қонақ үй ғимаратын салып, шығыс үлгісінде абаттандыру қолға алынуда. Бұл мүмкіндікті ұтымды пайдаланғанда туризм саласын өркендетуге, қасиетті орынға алыс-жақыннан тәу етіп келушілердің өзі қалағандарындай мінәжат қылуларына мол мүмкіндік тумақ. Себебі, «Батыс Еуропа-Батыс Қытай» транзиттік көлік дәлізі арқылы жүрген жолаушылар тау биігінен еңіске көз тіксе, баба жатқан тұсты алақандағыдай анық көріп, бағыт бұрады. Баянды бастама толыққанды іске асқанда бабаның орны адам танымастай өзгереді деп күтілмек. Айнала толық жарықтандырылып, ауыз су тарту мен абаттандырылуы да назарға алынбақ. «Жер киесіз болмайды, ел иесіз болмайды» деген сөз ақиқатқа айналарына сенім мол.
Осынау игі істі қолдау мақсатында «Ақиректе Арыстан баб» қоғамдық қоры құрылды. Бұл барша аралдықтарды баба рухына тағзым етуге, туған өлкеміздегі киелі мекенді көркейтуге таптырмас мүмкіндік деп білеміз. Осы бағыттағы жұмыстарға біркісідей атсалыссақ, баба алдындағы өзіміздің үлесіміз болмақ.
Н. ОСПАНОВ,
Арал ауданының құрметті азаматы
Қоғамдық қор реквизиттері:
«Ақиректе Арыстан баб» қоғамдық қоры
БСН/ЖСН:240540025041
БСК:HSBKKZKX
КБе:18
ЖСК:KZ05601A201002165271
«Қазақстан Халық Банкі» АҚ
