Жоба аясындағы жақсылық
Қазақта "Кәріге – құрмет, жасқа – жол" деген тәмсіл бар. Расында тәрбиесі терең бұл тіркесті бүгінгі жастар да жадынан шығармады. Арал аудандық жастар ресурстық орталығының мамандары, “Жасыл Ел” еңбек жасағы және Арал қаласы әкімдігімен бірлесіп, қаламыздағы ардагерлердің үйіне барып, тазалық жұмыстарын, қажетті қол көмектерін көрсетіп келеді.Қарттарымызды құрметтеу, олардың қажеттіліктеріне жарай білу, әрқашан сыйлау – қоғамдағы жас ұрпақтың міндеті. Жастардың көмегі қарт кісілердің көңілін көтеріп, күш беріп қана қоймай, ертеңіне деген сенімділігін арттыра түседі.
Жастардың бастамасы болған игі іс-шаралар алдағы уақытта да жалғасын табатынына сенеміз.
О. ЖОЛДАСОВ
