Синоптиктердің болжамынша, бүгін республика аумағында атмосфералық фронттардың өтуіне байланысты тұрақсыз ауа райы күтіледі. Елдің басым бөлігінде жаңбыр жауып, найзағай ойнайды, бұршақ жаууы және екпінді жел тұруы ықтимал.

Батыс өңірлер мен оңтүстік-шығыстың таулы аймақтарында қатты жаңбыр жауады. Оңтүстік-батыс, оңтүстік және оңтүстік-шығыс аймақтарда шаңды дауыл көтеріледі. Батыс пен солтүстік-батыста күннің қатты ысуы басылады деп болжануда.