"Баланы мектепке дайындайық" акциясы жалғасуда

«AMANAT» партиясының «Бақытты отбасы» жобасы аясында жыл сайынғы «Баланы мектепке дайындайық» акциясы жалғасуда. Партия тарапының бастамасымен бірнеше жыл дәстүрлі түрде ұйымдастырылып жүрген акция еліміздің келешегі, оқушылардың сапалы білім алуына, қажетті құрал-жабдықтармен қамтылуына жол ашып отыр.

Осы орайда, бүгін партияның аудандық филиалында акция аясында кездесу өткізілді.

Аталмыш шараға “AMANAT” партиясы Арал аудандық филиалының төрағасы Төрахметов Базарбай Шөменұлы және партия филиалының Атқарушы хатшысы Қанатов Талғат Мырзағұлұлы қатысып, оқушыларға өздерінің ақжарма тілектерін білдіріп, жаңа оқу жылына толағай табыс тіледі.

Сонымен қатар акция аясында дайындалған мектепке қажетте құрал-жабдықтарды табыс етті.

Аталмыш акция, партияның аудандық филиалына қарасты барлық бастауыш ұйымына жалғасын табатын болады.