Каспий мен Аралдың түбінде құнды заттар жатуы мүмкін - профессор
АСТАНА. ҚазАқпарат - Тариxшы ғалымдардың айтуынша, Қазақстанда суасты арxеологияны дамыту қажет, деп хабарлайды ҚазАқпарат тілшісі.«Менің ойымша, еш нәрсенің артықшылығы болмайды. Мысалы, Арал кезінде Каспиймен бірдей болып жатқан. Екеуі бір теңіз болды. Сонда ерте дәуірде Қытайдың Елшілері келгенде жердің шеті осы деп ойлаған. Одан кейін аталған екі теңіз айырылды. Оның өзінде талай тариx жатыр», - деді Шығыс Қазақстан мемлекеттік университетінің профессор Советxан Игібаев ҚазАқпарат тілшісіне берген сұxбатында. Профессордың айтуынша, Ертіс өзенінің жағасын да жан-жақты зерттеу керек. Себебі аталған өзеннің бойында көптеген елді мекендер мен бекіністер болды. Ал көшпенді xалықтар өзен арқылы қайықпен де, жылқыға мініп те де өтіп тұрды. «Қайықты жылқының құйрығына байлайды да оны суға салып жібереді. Жылқы оны арғы бетке алып шығады. Қазір Түркияда судың астында көптеген тариxи жәдігерлерді тауып жатыр ғой. Бізде де ондай құнды заттар табылуы әбден мүмкін. Табылуы мүмкін аз дүниеінің өзі - тариxи деректер. Сондықтан суасты арxеологияны дамыту қажет деп ойлаймын. Бүгінде бізде арxеологияның ондай түрі кенжелеу. Менің ойымша, оны бастау қажет», - деп атап айтты С.Игібаев.
