"Бақытты ақшаға айырбастама": Бағлан Әбдірайымов адамдардың үлкен қателігін айтты
Өнер иесі әлеуметтік желідегі парақшасында жазба қалдырып, оқырмандарына өмірдің кейбір тұстары жайлы түсіндірген. Жазбасында бірқатар сұрақтар қойып, оған өзі жауап беруге тырысқан."Басымызға сынақ қайдан келеді? "Жақсылық көрсем өзімнен, жамандық көрсем өзімнен" - деп қазақ неге айтты? Ойланып көрейік. Кәсіптен, ісімізден, өмірімізден, сөзімізден неге қателесіп, бақытсыз күй кешіп, күйзеліске түсіп, өмірге өкпелеп, бұлқан-талқанымыз шығып жүреді?" - деп оқырманға сұрақ қойған.Әр істі бастамас бұрын қандай қағидаға сүйену керек екенін түсіндірген өнер иесі жан тыныштығының құпиясымен бөліскен. Адамдардың қателік жасауының себебін де айтты ол. Сонымен қатар, бақытты ақшаға айырбастамай өмір сүру қажет екенін түсіндіріп бақты.
"Менің ойымша осының барлығын бастамас бұрын, осы сөзіме, ісіме, жүрісіме, тұрысыма, жатысыма, қызметіме, кәсібіме т.б әрекеттерге "Алла разы бола ма" - деген сұрақ қойып бастаған жөн секілді. Әрине, Алла саған разы болса, ата-анаң разы, бауырың, елің разы, жүрегің тыныш, берекең кіріп, бақытты ақшаға айырбастамай "адам" атымызға кір келмей өмір сүреді екенбіз ғой, деп қорытып қойдым", - дейді Бағлан Әбдірайымов.
