Мәңгі сүйіп өтемін: Азамат Сатыбалды Арыстағы әскерилерге алғыс айтты
Белгілі актер Азамат Сатыбалды желідегі парақшасына Арыстағы әскери адамдардың тынымсыз еңбектен соң, жерде жатқан суретін жүктеп алғыс білдірген. Өнер иесі тыныштық тілеп, әскерилердің еңбегін ерекше бағалаған. Сонымен қатар, ол елін мәңгі сүйіп өтетінін айтты. "Алла разы болсын, жігіттер. Жасаған еңбектеріңе раxмет. Жалпы көмек қолын созып жатқан барша жерлестеріме шексіз ризашылығымды білдіремін. Жұмыла көтерген жүк жеңіл деген осы. Бұндай қасірет енді болмасын елімізде. Мен сені мәңгі сүйіп өтемін, қазақ елі", - деп жазды Азамат Сатыбалды.Бұны көрген желідегі жұрт Арыстағы ағайынға тілектес екендерін жазып, Азамат Сатыбалдының сөзіне қосылды. Пікір білдіргендер бұл күллі қазақ елінің басына түскен ауыр қайғы екенін айтуды ұмытпаған. Оған қоса, шын өкініштерін білдіріп, бірге уайымдап жатқандарын жеткізді олар.
"Жандарым-ай! Әр үйдің балалары ғой! Алланың нұры жаусын! Шығын болмаса екен, әйтеуір!", "Ең ауыр жұмыс осы жігіттерде. Оттың үстінде бомбаның астында, күн ыстық, су жоқ. Ол жерден тірі шыға ма, өліп кете ме білмейді, тек алға жүру керек. Бір Аллам жар болсын өздеріңе!", "Алтындарым-ау, аман болыңдаршы. Ата-аналарыңа сабыр берсін", "Алла тағалам жап жас балаларымызға күш берсін. Жастарымыз аман болсын еліне қамқорлық жасаған", - деп жазды жұрт.
