Синоптиктер биылғы жаз қандай болатынын айтты
"Қазгидромет" РМК болжамына сүйенсек, жаздың бірінші және екінші айында күн салқын және жаңбырлы боладыАСТАНА, 19 наурыз – Sputnik. ҚР энергетика министрлігі "Қазгидромет" РМК гидрометорталығының директоры Марина Шмидт 2018 жылдың жартыжылдығындағы ауа райына болжам ұсынды, деп хабарлайды Sputnik Қазақстан тілшісі.
Шмидтің айтуынша, маусым және шілде айларында күн салқын және жаңбырды болады, тек республиканың батысы мен оңтүстігінде жауын-шашын нормадан аз түседі деп болжануда.
"Тамыз айында еліміздің басым аумағында ауа температурасы қалыпты норма шамасында болады. Ал республиканың батысында күн ыстық, температура нормадан 1..2 градусқа жоғары болады. Жаздың үшінші айында жауын-шашын нормадан аз, тек Солтүстік Қазақстан, Ақмола облыстарында, Шығыс Қазақстанның солтүстігінде, Алматы облысының таулы аудандарында норма шамасында болады деп болжанып отыр", — деді Шмидт.
