Бұзақылық фактісі бойынша қылмыстық іс медиация көмегімен тоқтатылды

Арал аудандық сотында Қазақстан Республикасының Қылмыстық Кодексінің 293 бабының 1 бөлігімен сотталушы А-ның қылмыстық ісі қаралды.Іс құжаттарына сәйкес, сотталушы А. 13 мамыр 2018 жылы сағат 21.10-шамасында Арал теңізі вокзал перронында орналасқан «А» кафесінің ішінде, спирттік ішімдік ішкен мас күйінде, жәбірленуші С-ны себепсізден-себепсіз балағаттап, оң иығының тұсынан соққы жасап, оның денсаулығына жеңіл дәрежелі дене жарақатын салып, яғни ол қоғамдық тәртіпті қоғамды құрметтемеу анық көрінетін, азаматтарға күш қолданумен, сол сияқты бөтеннің мүлкін жоюмен ұштасқан бұзақылық әрекетін жасаған.
Кәсіпқой медиатор Б.Бердалиев «Медиация туралы» Заңның 27 бабының талабына сәйкес медиация рәсімін өткізіп, сотталушы мен жәбірленушінің татуласуына қол жеткізіп, «дауды реттеу туралы келісім» жасап сотқа ұсынған.
Сот қаулысымен сотталушы А., Қазақстан Республикасының ҚК-нің 68-бабының 1-бөлігінің талабына сай, жәбірленушімен медиация тәртібімен татуласуына байланысты қылмыстық жауаптылықтан босатылып, қылмыстық іс өндірістен тоқтатылды.

Арал аудандық сотының
баспасөз қызметі.