Толқын Tolqyn.kz ақпараттық агенттігі
» » Аралдық 7 спортшы Азия чемпионы атанды

Аралдық 7 спортшы Азия чемпионы атанды

2023 жылдың 11-17 тамыз күндері аралығында Қырғызстан республикасы, Ыстық көл облысы, Шолпан – Ата қаласында ересектер, жастар және жасөспірімдер арасындағы «Унифайттан» Азия чемпионаты өткізілді. Аталмыш додада № 19 Арал ауданының олимпиадалық резервтің мамандандырылған балалар – жасөспірімдер мектебінің спортшылары қатысып, жоғары нәтижеге қол жеткізді.
Жарысқа қатысқан спортшыларымыздың 7-еуі алтын медаль иеленсе, 1-еуі қола жүлде иегері атанды. Атап айтар болсақ, жасөспірімдер арасында Ғалымжанұлы Диас, Серікбай Бақытжан, Мұхтарұлы Жансүйен, Өтебай Мансұр, жастар арасында Әзизуллаев Бағдаулет, Болатбекұлы Дінислам, ересектер арасында Сауытбаев Фараби Азия чемпионы атанды. Ал, Кемалов Нұралы жастар арасында жарыстың қола жүлдесін қанжығасына байлады.
Спортшыларымызды жеңістерімен шын жүректен құттықтай отырып, Әлем чемпионаттарының жеңімпазы атануларына тілектестік білдіреміз.
"Толқын" ақпарат
17 тамыз 2023 ж. 424 0