ЗИДАН ҚАЙТАДАН «РЕАЛДЫ» БАПТАУЫ МҮМКІН.

Мадридтік «Реалдың» президенті Флорентино Перес команданың басшылығына Зиданды қайтадан әкелуді көздеп отыр. Бұл туралы El Chiringuito TV телеарнасы хабарлайды. Дерек көз мәліметінше, Перес команданың бас бапкері Сантьяго Соларимен кездесіп, клубтағы ахуал жайында сөйлескен. Сондай-ақ президент Соларидің жақын арада бас бапкерлік қызметтен кететінін де ескерткен.

БЭЙЛДІҢ «РЕАЛ» ОЙЫНШЫЛАРЫМЕН ҚАРЫМ-ҚАТЫНАСЫ НАШАРЛАП КЕТТІ (ВИДЕО) Бұдан соң Флорентино Перес бұрынғы бапкер Зинедин Зиданмен хабарласып, тез арада мадридтік клубқа қайта оралу туралы ұсыныс жасаған. Бұған қатысты Зидан нақты жауабын айтпаған. Тек маусым айына күте тұруға тура келетінін жеткізген. Яғни, жазда француз қайтадан «Реал» тізгінін қолына алуы мүмкін.

МОДРИЧ: «РЕАЛДА» РОНАЛДУДЫҢ ОРНЫН ЕШКІМ БАСА АЛМАЙДЫ Еске сала кетсек, 42 жастағы Сантьяго Солари испан маманы Хулен Лопетеги командадан кеткеннен кейін бас бапкерлік қызметке тағайындалған еді. Оның басшылығымен «Реал» Чемпиондар лигасының 1/8 финалында «Аякстан» екі ойынның қорытындысы бойынша 3:5 есебімен жеңіліп, жарыс жолынан шығып қалды. Сондай-ақ соңғы екі Эль-Классикода жеңіліп, Испания кубогы бәсекесінен де тыс қалған еді. Клубтың Ла Лигадағы жағдайы да онша емес. Көш басындағы «Барселонадан» 12 ұпайға қалып келе жатыр.
Абай Қазбекұлы

aikyn.kz