Толқын Арал аудандық қоғамдық-саяси газет
» » ҚАЗАҚСТАН ҚҰРАМАСЫНЫҢ ҚОРҒАУШЫСЫН ОЙЫН ҮСТІНДЕ АУРУХАНАҒА ЖЕТКІЗДІ

ҚАЗАҚСТАН ҚҰРАМАСЫНЫҢ ҚОРҒАУШЫСЫН ОЙЫН ҮСТІНДЕ АУРУХАНАҒА ЖЕТКІЗДІ

Футболдан Қазақстан құрамасының қорғаушысы Темірлан Ерланов Шотландияға қарсы ойын кезінде командаласы Исламбек Қуатпен қақтығысып жарақат алған еді. Бас бапкер ауыр жарақат алған қорғаушының орнына тағы бір қорғаушы Елдос Ахметовты шығарды. Ал Темірланды алаң жиегіне шығарғаннан кейін бірден жедел жәрдем арқылы ауруханаға жеткізген.

Еске салайық, 25 жастағы футболшы Қазақстан премьер-лигасында «Ордабасы» клубының намысын қорғайды. Бүгінгі ойында ол оң қанаттағы қорғаушы міндетін атқарды. Биылғы маусымдағы екі турда да алаңға шығып, толық 90 минуттан ойнап шықты. Шымкенттік командаға ауысқалы бері 45 матчқа қатысып, 5 рет гол соғып, 5 рет нәтижелі пас асырған.

Бүгін «Астана-Аренада» ЕУРО-2020 іріктеу ойындары аясында Қазақстан құрамасы Шотландияны 3:0 есебімен ойсырата жеңді. Біздің жігіттер 24 наурыз күні өз алаңында Ресей құрамасын қабылдайды.
aikyn.kz
21 наурыз 2019 ж. 456 0