БЕЛСЕНДІ ЖАСТАР ВЕЛОШЕРУГЕ ҚАТЫСТЫ
Аралдықтар велосипедпен темір жол вокзалынан бастап, орталық көшемен Рәміздер алаңына дейінгі аралықты жүріп өтті. Велошеру Елорда атауының өзгеруіне орай, сондай-ақ, бұқаралық спортты дамыту мақсатында ұйымдастырылды.Шараға таңертеңнен көліктерін сайлап, спортты серік етіп келген 100-ге жуық тұрғындар мен белсенді жастар қатысты.
Велошеруге қатысушылар Елордамыз Нұр-Сұлтан қаласының өсіп-өркендеп, гүлдене беруіне тілектес екендіктерін жеткізді. Сонымен қатар, күнделікті өмірде велосипедпен жүрудің адам денсаулығына тигізер септігі мол екендігін айтып, салауатты өмір салтына баулитын шараның ұйымдастырушыларына ризашылықтарын білдірді.
