Жерлесіміз жүлдегер атанды

Мемлекет басшысы Қасым-Жомарт Тоқаев өз сөзінде: «Спорт – ұлт денсаулығының кепілі, ал чемпиондар – ел мақтанышы. Біз жастарды спортқа баулу арқылы олардың бойында жеңіске деген жігер мен табандылықты қалыптастырамыз» деген болатын. Аудан мақтанышы, №19 Арал ауданының олимпиадалық резервтің мамандандырылған балалар-жасөспірімдер мектебінің шәкірті Айбат Ибраймовтың жеңісі осы сөздердің айқын дәлелі.

Себебі жақында Алматы қаласында еркін күрестен жастар арасында өткен Қазақстан Республикасының чемпионатында 97 кг салмақ дәрежесінде бақ сынаған ол жоғары шеберлік танытып, жүлделі үшінші орынды иеленді. Бұл жетістік – оның ұзақ уақыт кәсіби дайындығы мен жаттықтырушысы Әліби Болатұлының табанды еңбегінің жемісі.

Еркін күрес – тек физикалық күш қана емес, шапшаңдық пен стратегиялық ойлауды қажет ететін спорт түрі. Бұл сайыста әрбір белдесу – нағыз жекпе-жек, ал жеңіс – баға жетпес нәтиже. Көкшетаудағы чемпионатта еліміздің үздік жас балуандары өзара мықтыны анықтады. Айбат Ибраймов өз салмағында жоғары нәтижеге қол жеткізіп, қарсыластарына мықты қарсылық көрсетті.

Бұл жеңіс – алдағы ірі жарыстарға жолдама ғана емес, жаңа белестерге жетелейтін маңызды қадам. Алдағы уақытта спортшының жаңа жетістіктерге жетіп, ел намысын абыроймен қорғайтынына сенім мол!

"Толқын" ақпарат