Толқын Tolqyn.kz ақпараттық агенттігі
» » АРАЛДА РЕСПУБЛИКАЛЫҚ ТУРНИР БАСТАЛДЫ

АРАЛДА РЕСПУБЛИКАЛЫҚ ТУРНИР БАСТАЛДЫ

Бүгін Арал ауданында волейболдан 2005-2006 жылдары туылған жасөспірім қыз балалар арасында белгілі спортшы Асқат Ахановты еске алуға арналған республикалық турнирдің ашылу салтанаты өтті.Турнирдің ашылу салтанатына аудан әкімінің орынбасары Б.Жұмағұлов қатысып, өз сөзінде №62 орта мектептің түлегі, белгілі волейболшы А.Ахановтың өмір жолына тоқталып, спортшымыздың қалдырған өнегесі мен ізін кейінгі ұрпаққа насихаттау мақсатында еске алу турнирінің жыл сайын ұйымдастырылып келе жатқандығын тілге тиек етті.
Сонымен қатар, Ахановтар әулетінің атынан ағасы Алпамыс ағай сөз алып, Асхаттың спорт саласындағы жетістіктіктерін айта келе спортшыларға сәттілік тіледі.
Айта кетейік, биыл ауданымызда XVIIІ мәрте өткізіліп жатқан турнирге еліміздің Атырау, Маңғыстау, Батыс Қазақстан және Қызылорда облыстарынан 9 команда қатысуда. Жалпы үші күнге жоспарланған жарысқа қатысушы спортшылар Арал қаласындағы орталық стадионда орта мектептің спорт залында тартысты ойын өткізуде.
www.aral.gov.kz
19 сәуір 2019 ж. 973 0