Қазақстандық файтер қыз UFC келісімшарты сарапқа салынған жекпе-жекте жеңілді

Әйелдер арасында ММА-ден Қазақстан тарихында алғашқы әлем чемпионы атанған Мария Агапова (6-0) UFC басшысы Дана Уайттың шоуында жекпе-жек өткізді. Лас-Вегастағы Dana White's Tuesday Night Contender Series турнирінің басты жекпе-жектерінің бірінде Агапова америкалық Трэйси Кортеспен (6-1) кездескен. Бірінші раундта америкалық файтер басым болды. Екінші бесминуттықты да Кортес өз еншісіне жазды. Үшінші раунд партерде өткен, мұнда да Агапова кездесу барысын бақылауында ұстады. Нәтижесінде америкалық спортшы жеңіске жетіп, UFC-мен келісімшартқа отыру мүмкіндігіне ие болды. Осылайша, бұған дейін алты жекпе-жегінің бәрін жеңген Агапова өз карьерасында алғаш рет жеңілді. Ол кәсіби карьерасын 2015 жылы бастаған.