Головкин жекпе-жектерден шеттетілді

   Украиналық Сергей Деревянченконы жеңіп, IBF және IBO чемпиондық белбеулерін қайтарып алған Геннадий Головкин уақытша жекпе-жектерден шеттетілді деп хабарлайды Sports.kz-ке сілтеме жасаған KAZ.NUR.KZ.
   BoxRec.com сайтының ақпары бойынша, боксшының жекпе-жектерден шеттетілу мерзімі белгіленбеген.
   Алайда бұл тек медициналық қажеттіліктен туындаған шешім – спортшыға ауыр жекпе-жектен кейін денсаулығын қалпына келтіру керек.
  Сондай-ақ, жекпе-жекте қабағы жыртылған Сергей Деревянченконың да жұдырықтасудан шеттетілгені белгілі болды.Еске сала кетейік, бұдан бұрын Головкиннің жекпе-жек кезінде жарақат алғаны хабарланды.
   12 раундқа созылған тартысты жекпе-жекте төрешілердің бір ауыздан қабылдаған шешімі бойынша отандасымыз жеңімпаз атанды.