Толқын Арал аудандық қоғамдық-саяси газет
» » Президенттің кадр резервіне үміткерлер арасында шетелде жүрген 46 қазақстандық бар

Президенттің кадр резервіне үміткерлер арасында шетелде жүрген 46 қазақстандық бар

Жастарды қолдау мақсатында Қасым-Жомарт Токаевтың бастамасымен елімізде алғаш рет Президенттік жастар кадрлық резервін жасақтау іске қосылды, деп хабарлайды  «Хабар 24».
Іріктеудің барлық кезеңдері қатаң түрдегі қағидаларға сәйкес өтуде. Үміткерлердің ішінде шетелде жүрген Қазақстанның 46 азаматы бар. Қазіргі уақытта бастапқы үш кезең – қатысушыларының құжаттарын қабылдау және кандидаттарды тестілеу кезеңдері толығымен аяқталды. Резервке қабылдау туралы қорытынды шешімді Ұлттық комиссия қабылдайды. Президентінің бастамасына сәйкес жас қазақстандықтарды да іріктеуден өтіп, резервке алыну, жоғары мемлекеттік және басқарушы лауазымдарға тағайындалу мүмкіндігі пайда болды.
«Бастапқы тіркеуден 13212 адам өтті.Олардың 7312-сі тіркеу рәсімін толық аяқтады.Үміткерлердің ішінде шетелде жүрген қазақстандық 46 азамат бар», - дейді ҚР Мемлекеттік қызмет істері агенттігінің төрағасы Анар Жайылғанова.
27 қазан 2019 ж. 234 0