Султан Вейсов, Түрікменстан Ұлттық институтының жер ресурс­тарын, қоршаған ортаны қорғау комитетінің жетекші зерттеушісі
                – Мен Түрікменстан Республи­ка­сының табиғатты қорғау институтында көп жылдан бері қыз­мет атқарып келемін. Бүгінгі көтеріліп жатқан тақырып жерді қалпына келтіру, яғни сексеуіл егу және жерді мелиорациялаудың тиімділігі туралы болуда. Сіздердегі мәселе біздің Түрікменстан елінде де басты мәселе қатарында. Түрік­менстан Президенті Гурбан­гу­лы Бердімұхамедов сек­сеуіл­ді қалпына келтіру, шөлейт аймақтарды көгалдандыру, ауа райының өзгерістерін қалпына келтіру бөлімдерімен байланысты конвенцияға қол қойды. Қазіргі таңда осы мәселе төңірегінде істелген көптеген жұ­мыс­тар игі нәтижесін беруде. 1996 жылы шөлейт жерлермен күресу төңірегінде ұлттық бағдарлама құрылды. Сол арқы­лы шөлейтті жерлерді түзету жұмыстары жүргізілді. Эконо­ми­калық, экологиялық жұмыстардың барлығы табиғатты сақтау жұмысына жұмылдырылған. Біз табиғат байлығымызды өзге­ріс­сіз ұрпақтан-ұрпаққа жеткізуді басты назарға алып, жұмыс­тардың сапалы жасалуын талап етеміз. Табиғат жағынан Түрік­менстан мен Арал жері өте ұқсас екендігін байқадым. Бүгінгі семинарда соңғы 20 жылда біз өз жеріміздегі сексеуіл отырғызу, жер құнарын қалпына келтіру жұмыстарының нәти­жесі туралы баяндама жасап, тәжірибемізбен бөлістік. Таби­ғатты қорғау бағытында істеліп жатқан жұмыстар ауқымды. Мұн­дай қарқынмен үлкен нәтижеге қол жеткіземіз деген ойдамыз.