Толқын Арал аудандық қоғамдық-саяси газет
» » Аралда өткен жылы 3870 тонна балық ауланды

Аралда өткен жылы 3870 тонна балық ауланды

        tolqyn.kz Аудандағы ата кәсіп балық шаруашылығы жыл сайын қарқынды дамып келеді. Өткен жылды қорытындылап есеп берген аудан әкімі М.Оразбаев балықшылардың жыл санап табысының молайып келе жатқандығын тілге тиек етті.
Ауданда жылдық қуаттылығы 19900 тоннадан асатын 8 балық өңдеу зауыттары жұмыс істейді. Оның 4-еуібалықты тереңінен өңдейтін болса, қалған 4-еуі балықты қатыру, мұздату және ыстау сияқты өңдеумен айналысады. Сонымен қатар, осы зауыттардың  2-еуі («Арал балық өңдеу зауыты» ЖШС-гі, және «Арал сервистік дайындау орталығы» ЖШС-гі балық өңдеу зауыттары) Еуропа нарығына шығуға мүмкіндік беретін «Еврокод» белгісіне ие.
        2019 жылы ауланған балық 3 870 тонна болса, өңделген балық 3 454 тоннаны құрады. Оның ішінде 2019 жылы 2004 тоннасы Ресей,Қытай,Германия, Польша, Нидерланды, Грузия, Украина, Азербайжан, Қырғызстан мемлекеттеріне экспортқа шығарылды.       
        Биыл да, Арал өңірі балықшыларының V слеті өткізілді.
10 ақпан 2020 ж. 491 0