Ауыл мұғалімдері тәжірибе алмасты

Кеше Аралқұм ауылындағы №61 орта мектебінде "Оқыту үшін бағалау тапсырмаларының тәжірибеде қолдану жолдары" тақырыбында  педагог қызметкерлеріне арналған семинар-практикум болып өтті. Аталған семинарға Арал қаласындағы №62 мектеп-лицейінің, және №61,№69,№263 орта мектептің мұғалімдері қатысты. 

 Бұл семинар практикумның мақсаты: жаңартылған білім беру мазмұны жөнінде әдістемелік көмек беру, тапсырмалар даярлау, критериалды бағалау сынды көптеген тиімді тәсілдерді көрсету.

Семинар №61- мектеп директоры С.Садыковтың алғы сөзімен басталып, №62 мектеп -лицейінің директоры Ж.Айтжановтың әріптестерінің келудегі мақсатымен таныстырылды. Семинар -практикум барысында информатика пәні мұғалімі А.Кикбаевтың "Сахна мен кейіпкерлерді бағамдау" тақырыбында 6а - сыныбына ұйымдастырылған сабақтары өз дәрежесінде өткізілді.

Семинар - практикумнан жақсы әсер алып, педагогтармен пікір алысып, өз ойларын ортаға салды.