Оқушылар Ауған соғысы ардагерлерімен кездесті
Кеше Арал қаласындағы №220 орта мектепте Кеңес әскерінің Ауған жерінен шығарылғанына 31жыл толуына орай "Ауғанның отты жалыны" тақырыбында Ауған соғысы ардагерлерімен кездесу өтті. Кездесуге Ауған соғысын көзбен көрген майдангер жерлестеріміз Бисенбаев Серік, Әжіғұлов Зейнеп және аудандық қорғаныс істері жөніндегі бөлім басшысы Бауыржан Қуатов қатысты. "Әрбір ер жүрек, әрбір шыншыл адам өз Отанына абырой әкеледі" десек, өз елінің тыныштығы мен ұрпағының амандығы үшін төсін оққа қарсы қойып, ерлік жасаған батырлар қашанда үлкен құрметке ие. Бүгінгі басқосудың мақсаты жастарды отансүйгіштікке баулу, ерлердің ерлік ісін кеңінен насихаттау.
Кеш барысында ардагерлер майдан даласында көзбен көрген зұлматтары жайлы баяндап, оқушылардың сауалдарына жауап берді.
