"Шексіз мүмкіндік" мүгедектермен басқосу

«Арал қаласы бойынша мүмкіндіктері шектеулі мүгедектерді қорғау және қолдау» қоғамдық бірлестігі жиналыс өткізді2020 жылдың қаңтар айынан бастап Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы №26 бұйрығына сәйкес ымдау тілі маманының қызметін алатын мүгедектерге қызмет жасау үшін «Арал қаласы бойынша мүмкіндіктері шектеулі мүгедектерді қорғау және қолдау» қоғамдық бірлестігі келісім шартқа отырды.
Бүгінгі таңда 32 мүгедекке 3 ымдау тілінің мамандары қызмет көрсетеді.
Жаңадан мүгедектермен жұмыс жасап жатқан қоғамдық бірлестігінің президенті И.Жумашева ағымдағы жылдың 21 ақпан күні қызмет алатын мүгедектермен танысу, қолдау, тыңдау мақсатында жиналыс өткізді.
Жиналыста И.Жумашева өзін таныстырып, өзі туралы қысқаша өмір баянын айтып өтті. Сонымен қатар ымдау тілі қызметін алатын мүгедек қыз келіншектерге тігінші мамандарын қарамағына жұмысқа алатыны жөнінде айтып өтті. Ымдау тілі қызметін алатын 3-топ мүгедегі Өзбекова Несібелі Өмірзаққызын қарамағына тігінші мамандығына жұмысқа қабылдады.
Жиналысқа келген мүгедектер ризашылығын білдірді. Ымдау тілінің мамандары П.Байғабылова, М.Ізбасқанова және А.Советовалар жиналыста аударма жасап тұрды.