САЛА МАЙТАЛМАНЫМЕН КЕЗДЕСУ

Елбасы «Бола- шаққа бағдар: рухани жаңғыру» атты мақа- ласында алдағы ме- же–дамыған 30 елдің қатарына кіру екенін айта келе, «Бұл мақсатқа жету үшін біздің санамыз ісімізден озып жүруі, яғни, одан бұрын жаңғырып отыруы тиіс» деп сана дайын болмаған жағдайда, адам өзі жеткен табысты баянды етіп ұстап тұра алмайтынын атап көрсеткен болатын. Жақында №58 орта мекте- бінде аталған бағдарламалық мақала бойынша «Туған жерге тағзым, мектебіме тағзым» акциясы аясында «Теңізбен тағдырлас» атты кездесу кеші өтті. Кездесудің басты кейіпкері – ұзақ жылдар бойы басшылық қызметте болып, елдегі балық шаруашылығы саласының өсіп-өркендеуіне өз үлесін қосқан жерлесіміз, «Арал ауданының құрметті азаматы», «Республика балық шаруашылығының еңбек сіңірген қызметкері» атағының иегері Әділбек Әйімбетов болды.

Іс-шара бастауыш сынып оқушыларының мерекелік бағдарламасымен ашылды. Ал, жоғары сынып оқушылары үшін Әділбек Әйімбетовтің өмір жолы, қызықты естеліктерінен слайдтар мен бейнероликтер дайындалып, таныстырылды. «Сыр- сұхбат» бөлімінде оқушылардың сұрақтарына жауап беріп, өзінің кейінгі ұрпаққа үлгі боларлықтай өмір тәжірибесімен бөліскен кейіпкеріміз, жет- кен жетістіктердің артында еселі еңбек жат- қандығын баян етті. Оқушылар әңгімелесу, ой бөлісу барысында Әділбек ағаның жеткен жетіс- тіктері, өзі жеткен табысты баянды етіп ұстап тұра алуының сыры–оның еңбекқорлығының, білімге деген құштарлығының, туған жерге деген сүйіс- пеншілігінің арқасында екендігіне көз жеткізді.

Кездесуді Мергенсай ауылдық округінің әкімі Марат Құтмамбетов және мектеп директоры Әбдіхамит Имағамбетов қорытындылап, алғыстарын білдірді. Әділбек Ізбасарұлы оқушыларға еліміздің тәрбиелі, білімді, нағыз патриот азаматтары болу- ларын, ал мектеп ұжымына шығармашылық табыс тілеп, ризашылықтарын білдірді.

Р. ҚҰРМАНБАЕВА,

№58 орта мектеп директорының орынбасары.