Болашақты айқындар басты құжат

Мемлекетіміз дамудың жаңа мүмкіндіктеріне жол ашқалы түрлі салада серпінді жұмыстарды қолға алып келеді. Әлемдегі дамыған 30 елдің қатарына қосылу межесі, шындығында, әрбір қазақстандыққа үлкен жауапкершілік жүктейді. Біз сол сенім үдесінен шыға білу үшін бірлесе жұмыс жасап, ұйымшылдықтың нақ үлгісін көрсете білуіміз керек деп ойлаймын. Әрине, бұл жолда бізге Елбасының «Болашаққа бағдар: рухани жаңғыру» атты бағдарламалық мақаласы үлкен көмек болғалы тұр. Аталған мақалада Мемлекет басшысы «Еліміз жаңа тарихи кезеңге аяқ басты. Мен жыл басындағы халыққа Жолдауымда Қазақстанның үшінші жаңғыруы басталғанын жарияладым. Осылайша, біз қайта түлеудің айрықша маңызды

екі процесі – саяси реформа мен экономикалық жаңғыруды қолға алдық. Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу. Аталған екі жаңғыру процесінің де нақты мақсат-міндеттері, басымдықтары мен оған жеткізетін жолдары бар. Мен көздеген жұмыстарымыздың бәрі дер уақытында және барынша тиімді жүзеге асарына сенімдімін. Бірақ, ойлағанымыз орындалу үшін мұның өзі жеткіліксіз. Мақсатқа жету үшін біздің санамыз ісімізден озып жүруі, яғни, одан бұрын жаңғырып отыруы тиіс. Бұл саяси және экономикалық жаңғыруларды толықтырып қана қоймай, олардың өзегіне айналады»,-деп өзінің елдік дамуға деген сенімділіктің зор екенін алға тартты.

Иә, біз әлемдік саяси аренада өзінің сенімді басшысы бар бақуатты елміз. Елбасымыздың әлемдегі түрлі жағдайлардан ой түйіп, қорытынды шығару арқылы елімізді жаңа әлемге қарай жетелеуде. Ол экономикасы қалыпты, тұрмысы тұрақты, бай да бақуатты қазақ елін әлемге мойындату. Біз мақсат-мүдделерді бірігу арқылы жүзеге асырмақпыз.

Дина Оразғұлова,

№2 облыстық арнайы санаториялық мектеп-интернаты.