Толқын Арал аудандық қоғамдық-саяси газет
» » Тәуелсіздігімізді бекемдейді

Тәуелсіздігімізді бекемдейді

Тәуелсіздік жылдарында дербес мемлекетімізді құрып, қазақ ұлты топтастырушы  ұйытқы ұлтқа айналды. Батысымызбен де, шығысымызбен деэкономикалық қарым-қатынасымыз кеңейіп, ашық қоғам құрып, Азия мен Европа сияқты әлем құрлықтары арасындағы байланыстырушы елге айналдық. Қазақстан Республикасы-тәуелсіздік жолында ғасырлар бойы  мың өліп, мың тірілген қазақ ұлтының тарихи Отанында құрылған  ұлттық мемлекет. Тәуелсіздігіміз-бүгінгі бүкіл өміріміздің қайнар бұлағы, бастауы, барлық жақсылығымыздың арқауы. Ел Президенті Н.Назарбаев: «Бұл-ата-бабаларымыздың  арманы ақиқатқа айналып, азаттыққа қолымыз жеткен аса қасиетті күн. Бұл-ұрпақтарымыз ұлы елдің ұланы, азат елдің ақиығы атануына жол ашылған қастерлі күн. Бұл-тілімізді жаңғырытып, дінімізді  қайтарған, тарихымызды түгендеп, тағдырымызды таңдаған ұлы күн. Тәуелсіздік-тәуекелі жеткендердің ғана пешенесіне бұйыратын бақыт. Бұл күн-Мәңгілік Еліміздің  жаңа ғасырдағы  жаңғыру жолы»-деген болатын.
Тәуелсіздік туралы үнемі, үздіксіз, келер ұрпаққа айтып жүру-міндетіміз. Ол-тарихқа көрсетілер ілтипат емес, қоғам, әрбір саналы азамат үшін, тәуелсіздіктің құнын, бүкіл өміріміздің ең қасиетті құндылығы екенін естен шығармай, көздің қарашығандай сақтау үшін қажет. Біздің мақсатымыз айқын, бағытымыз белгілі, ол-әлемдегі  ең дамыған 30 елдің қатарына қосылу. Кез келген қоғамда адамдардың рухани және мәдени дамуы  мен жетілуі жағдай туғызған да ғана сол қоғамның дамуы орнықты болмақ. Демек, елдің келешегі өскелең ұрпақтың қолында екендігін ескерсек, білім мен  тәрбиеге баса мән беру керектігі  Мемлекет басшысының «Болашаққа бағдар: рухани жаңғыру» мақаласында қамтылған. Ол ХХІ ғасырдағы ұлттық өзіндік сананы жаңғартудың маңызды бағыты жеке деңгейде де, қоғамдық деңгейде де бәсекеге қабілеттілік, прагматизм, ұлттық бірегейлікті сақтау, білімнің салтанат құруы, эволюциялық даму және сананың ашықтығы. Басты мақсат  еліміздің тәуелсіздігін баянды ету, халықтың ұлт болып өркендеуіне жол ашу,оның тілі мен мәдениетінің кең құлаш жаюына мүмкіндік туғызу.          Қазіргі таңда ауданымыздағы кітапхана қызметкерлері тәуелсіздік жылдарының шежіресін насихаттау мақсатында «Тербет елді, тәуелсіздік ұраны!», «Тәуелсіздік-баға жетпес байлығым», «Тәуелсіздік-ел мұраты», «Болашақты нұрландырған Тәуелсіздік», «Елімнің бақыты тербеткен-Тәуелсіздік», «Тәуелсіздік тарихы-тағылымдық тарих», «Тәуелсіздік-бар бақыттың бастауы», тағы да басқа тақырыптардағы мерекелік кеш, тарихи танымдық сағаттарды өткізу үстінде. Мақсаты-түрлі тақырыптағы кітап көрмелерін оның ішінде, Қазақстанның Тәуелсіздік жылдарында жарық көрген рухани мұраларын оқырманға таныстыру еді. Алдағы уақытта да еліміздің егемендігін еңселі ету жолында тындырымды жұмыстар атқарыла бермек.
Маржан Күнжанова,
аудандық орталық кітапхананың бөлім меңгерушісі.
20 желтоқсан 2017 ж. 752 1

Austmok от 16 маусым 2019 00:49
Cialis Generique Danger Clomid Online Pharmacy Over The Counter Cialis viagra Buying Tadalafil Online Como Compro Viagra