Балабақшалардан кезекші топтар ашылды

Облыстық Бас мемлекеттік санитариялық дәрігерінің 2020 жылғы 10 мамырдағы №12 қаулысына сәйкес ағымдағы жылдың 18 мамырынан бастап күшейтілген санитарлық-дезинфекциялық режиммен балабақшалар жұмысын қайта бастауына байланысты аудан әкімімен жұмысшы топ құрамы бекітіліп, балабақшалардың дайындығына мониторинг жасалып, ақпараттық-түсіндірме жұмыстарын жүргізді.Нәтижесінде мектепке дейінгі білім беру объектілерінде санитарлық-дезинфекциялық тәртіпті сақтау алгоритміне сәйкес, 16 мемлекеттік балабақша, 13 жеке балабақша өз жұмысын бастап,  кезекші топтарға 709 бала қамтылып отыр.
Мектепке дейінгі ұйымға бірінші кезекте баланы үй жағдайында қалдыруға мүмкіндігі жоқ, ата-анасының екеуі де жұмыс істейтін ата-аналардың қалауы бойынша балалар қабылданды.
Балабақшадағы кезекші топтар бойынша жұмыс жасайтын және қабылданатын балалар мен қызметкерлер өздерінің учаскелік дәрігерінің арнайы денсаулық жөніндегі анықтамасы бойынша қабылданды. Эпидахуал тұрақтанғанша, әрбір ата-ана баласын балабақшаға уақытша әкелмеуіне де құқығы бар. Бұл ретте баланың орны сақталады.
Балабақшалар белгіленген кестеге сай оқыту әдістемесі бойынша жұмыс жүргізуде. Кезекші топтардың жұмысы алгоритм бойынша барлық санитарлық талаптарға сай, әрбір баланың қауіпсіздігі мен гигиенасын сақтай отырып жүзеге асырылуда.

А.Құдайбергенова,
аудандық білім бөлімінің жетекші маманы