АУДАН БАСШЫСЫ КЕНТТЕГІ ПРОВИЗОРЛЫҚ СТАЦИОНАРҒА БЕЙІМДЕЛІП ЖАТҚАН ҒИМАРАТТА БОЛДЫ

Жақсықылыш кентінде болған аудан әкімі Мұхтар Оразбаев 25 төсектік провизорлық стационар етіп ашуға бейімделіп жатқан амбулатория ғимаратына барды.

Бұл ғимарат дертке шалдыққан тұрғындар саны өсім алған жағдайда науқастарды оқшаулап, тиісті ем шараларын жасау үшін дайындалуда.
Дайындық шараларын көрген аудан басшысы орталықта барлық қажетті заттардың, дәрі-дәрмектердің жеткілікті болуын тапсырды. Сондай-ақ, санитарлық талаптар мен қауіпсіздік шараларының қатаң сақталуы қажеттігін де айтып өтті.
Бұдан бөлек, ауданда эпидемиологиялық ахуал күрделенген жағдайда 270 төсектік провизорлық стационар ашылады деп жоспарлануда.
Аудан әкімінің баспасөз қызметі.