АРАЛДЫҚ КІТАПХАНАШЫ «ХАЛЫҚ ҚҰРМЕТІ» ТӨСБЕЛГІСІМЕН МАРАПАТТАЛДЫ

Әлемде орын алып отырған коронавирус пандемиясына орай елімізде енгізілген төтенше жағдайға байланысты Қазақстан кітапханалары үстіміздегі жылдан бастап оқырмандарға ұсынатын дәстүрлі қызметін онлайн режимге көшіргені белгілі. Бұл бағытта аудан кітапханашылары да өз қызметтерін қазіргі күнге дейін қарқынды да сапалы жүргізіп келеді.

«Адамды адам еткен –кітап, адамзат еткен – кітапхана»,-деп белгілі халық жазушысы Әбіш Кекілбайұлы айтқандай, кітапханалар оқырмандар мен еліміздің тұрғындарына ұсынатын анықтамалық, ақпараттық-библиографиялық, танымдық және мәдени қызметін тоқтатпай жаңа форматта жүргізді.
Осыған орай аудан тұрғындары мен оқырмандарының рухани әлеуетін арттыруда атқарған жұмыстары үшін ҚР-ның Ұлттық академиялық кітапханасы «Қазақстан Кітапханалары Альянсі» қоғамдық бірлестігінің атынан Қалалық балалар кітапханасының меңгерушісі Утегенова Мейрамкүл Маханбетжанқызы «Халық құрметі» төсбелгісімен марапатталды.
Аудан әкімдігінің баспасөз қызметі.