Консервіленген балық шығару қолдан келеді
Қазіргі таңдағы өзекті мәселелердің бірі жастар арасындағы жұмыссыздықтың артуы болып отыр. Бұл істің де қолдан келетінін уақыттың өзі дәлелдеп берді. Аталған мәселені оңтайлы шешу үшін мемлекет тарапынан жастар саясатын жүзеге асыруға арналған кешенді бағдарламалар жасалып, жастарды кәсіпкерлікті баулуға бағытталған шаралар жүзеге асып келеді. Соның арқасында жастардың кәсіпке бет бұруы жоғары қарқын алды. Тіпті ауылдық жердегі жастардың өзі кәсіптің көзін ашып, өз несібелерін табуда. Сондай жандардың бірі – Ернар Қалданұлы.Н. Бақырадин
Ернар – қарапайым ауыл баласы. Балалық шағы Ақбасты ауылында өтті. Мектеп бітірген соң, ол да өзге қатарластары секілді жоғары оқу орнына түсті. Алматы қаласындағы Қ.Сәтбаев атындағы технологиялық университетін мұнай-газ мамандығы бойынша бітірді. Дипломды жас маман қаланың шуылды қызық өмірін ауылға айырбастап, туған жерге оралды.
– Қала өміріне ешқашан құмартқан емеспін. Қайда жүрсем де ауылды аңсап тұратынмын. Содан да болар, оқу бітірген соң көп ойланып жатпай, ауылға тартып тұрдым. Осында ата-анама, бауырларыма қарайласып жүрдім. Отбасын құрдым. Жұбайым Ақнұрдың мамандығы технолог еді. Ол консервіленген балық шығарсақ деген ойын айтып жүрді. Ауылдан ондай іс бастау мүмкін емес болар деген ой келді. Бірақ ол мұның тиімді тұстарын ашып, түсіндіре бастағанда, қызығушылығым ояна бастады, – деген Ернар өз кәсібін қалай қолға алғаны туралы айтып берді.
Бүгінгі қоғам сұранысына сай кәсіпке Ернар шындап кірісті, консервіленген балық шығару жобасын бастады. Жас кәсіпкердің бұл жобасын ынталандыру мақсатында мемлекет тарапынан қайтарымсыз грант тағайындалған. Осылайша ол өз кәсібін бастауға қажетті жабдықтарды алады.
– Бір қуантқаны, жас кәсіпкерлердің идеяларын қаржыландырып, оның дамуына қолдау көрсеткендігі болды. Соның арқасында біз өзіміз армандаған кәсібімізді ашуға мүмкіндік алдық. Өткен жылдың қаңтар айынан бастап алғашқы өнімдерімізді шығара бастадық. Негізінен, қажетті консервіні Алматы қаласынан арнайы тапсырыспен алдырамыз. Ал балықтар – өзіміздің теңізден ауланған балғын өнімдер. Бастапқыда күніге 40 консервіленген балық шығарған болатынбыз. Қазір елдегі ахуалға байланысты тапсырыс азайды. Айына 1000-ға жуық өнім шығарудамыз, – дейді кәсіпкер.
Шалғайдағы ауылда тұрса да, өздерінің кәсібін ашып, тірліктің көзін тауып отырған еңбегі қатарластарына үлгі. Қазір іскер жанның қолынан шыққан консервіленген балықтар аудан көлеміне кең тараған. Мұның бәрі – үлкен еңбектің жемісі. Осы табанды тірлігі арқылы ол отбасын асырап, ата-анасына қолғабыс болып отыр.
– Елдің ішінде жүрсең, қандай істі бастасаң да табысқа кенелерің сөзсіз. Көбі ауылда жұмыс жоқ дегенді сылтау етеді. Шындығына келгенде, қайнаған тірлік ауылда екен. Бүгінде алға қойған мақсатыма жетіп, өзімнен кейінгі буынға үлгі боларлық іс жасағаным үшін қуанамын,– дейді кәсіпкер.
Ернар болашақта өз кәсібін одан әрі дамытып, балық өнімдерін даярлайтын үлкен өндіріс орнын ашсам деген жоспарларын келер күннің еншісіне қойған. Әрине жігерлі жастың оған мүмкіндігі де жеткілікті.
– Қала өміріне ешқашан құмартқан емеспін. Қайда жүрсем де ауылды аңсап тұратынмын. Содан да болар, оқу бітірген соң көп ойланып жатпай, ауылға тартып тұрдым. Осында ата-анама, бауырларыма қарайласып жүрдім. Отбасын құрдым. Жұбайым Ақнұрдың мамандығы технолог еді. Ол консервіленген балық шығарсақ деген ойын айтып жүрді. Ауылдан ондай іс бастау мүмкін емес болар деген ой келді. Бірақ ол мұның тиімді тұстарын ашып, түсіндіре бастағанда, қызығушылығым ояна бастады, – деген Ернар өз кәсібін қалай қолға алғаны туралы айтып берді.
Бүгінгі қоғам сұранысына сай кәсіпке Ернар шындап кірісті, консервіленген балық шығару жобасын бастады. Жас кәсіпкердің бұл жобасын ынталандыру мақсатында мемлекет тарапынан қайтарымсыз грант тағайындалған. Осылайша ол өз кәсібін бастауға қажетті жабдықтарды алады.
– Бір қуантқаны, жас кәсіпкерлердің идеяларын қаржыландырып, оның дамуына қолдау көрсеткендігі болды. Соның арқасында біз өзіміз армандаған кәсібімізді ашуға мүмкіндік алдық. Өткен жылдың қаңтар айынан бастап алғашқы өнімдерімізді шығара бастадық. Негізінен, қажетті консервіні Алматы қаласынан арнайы тапсырыспен алдырамыз. Ал балықтар – өзіміздің теңізден ауланған балғын өнімдер. Бастапқыда күніге 40 консервіленген балық шығарған болатынбыз. Қазір елдегі ахуалға байланысты тапсырыс азайды. Айына 1000-ға жуық өнім шығарудамыз, – дейді кәсіпкер.
Шалғайдағы ауылда тұрса да, өздерінің кәсібін ашып, тірліктің көзін тауып отырған еңбегі қатарластарына үлгі. Қазір іскер жанның қолынан шыққан консервіленген балықтар аудан көлеміне кең тараған. Мұның бәрі – үлкен еңбектің жемісі. Осы табанды тірлігі арқылы ол отбасын асырап, ата-анасына қолғабыс болып отыр.
– Елдің ішінде жүрсең, қандай істі бастасаң да табысқа кенелерің сөзсіз. Көбі ауылда жұмыс жоқ дегенді сылтау етеді. Шындығына келгенде, қайнаған тірлік ауылда екен. Бүгінде алға қойған мақсатыма жетіп, өзімнен кейінгі буынға үлгі боларлық іс жасағаным үшін қуанамын,– дейді кәсіпкер.
Ернар болашақта өз кәсібін одан әрі дамытып, балық өнімдерін даярлайтын үлкен өндіріс орнын ашсам деген жоспарларын келер күннің еншісіне қойған. Әрине жігерлі жастың оған мүмкіндігі де жеткілікті.
