Толқын Tolqyn.kz ақпараттық агенттігі
» » «WORKOUT» өтті Аралда

«WORKOUT» өтті Аралда

   Салауатты өмір салтын ұстанып, көше спортына мән берген жастар бұқаралық спорты дамып келеді. Қазіргі таңда қала орталықтарында орналасқан шағын спорт алаңдарынан бөлек, мектеп аулаларын да ерікті жастардың жазғы маусымдарда пайдалануына толыққанды мүмкіндік қарастырылып отыр. Ұйымдастырылып жатқан түрлі спорттық сайыстар тағы бар. Арал ауданы да мұндай шаралардан қалыс қалмай келеді. Жас айырмашылықтары бойынша спорттың қай түрінен болмасын жетістікке жетіп жатқан жастар соған дәлел. Қазіргі таңда ауыл мен қала жастарының қызығушылығын оятып, басын қосатын спорттық сайыстың бірі «WORKOUT» деп аталады.
    Қоғамдық орындарда ашық түрде орындалып, тәсілдері қауіпті болса да жастардың құлшынысын арттырып келе жатқан спорттың бұл түрінен де бүгінде түрлі сайыс өткізіліп тұрады. Белтемірде түрлі трюк жасап, қоссырықтың үстінде ойнайтын дене бітімі шымырланған ерікті жастарды өзіне тартқан «Workout» спорттық сайысы жақында Арал ауданында да өтті.
    Облыстық жастар саясаты мәселелері басқармасының әлеуметтік тапсырысы аясында Жастар ресурстық орталығы және «САНА» зияткер жастар мектебі» қоғамдық қорының ұйымдастыруымен өткен «Workout» сайысына барлығы 23 спортшы қатысты. Көше спорты көпшілік назарын өзіне аударып, жарыс көркі қыза түсті. Сайыста Данияр Кеңесов есімді жас жүлделі І орынды еншілесе, ІІ орынды Ғазиз Бектұрсынов алды. Ал, ІІІ орын Ғасырбек Аманов есімді спортшыға бұйырды.
  Тартысқа толы сайыста дене сымбаты келіскен білекті жігіттер жүлделі орынға қойылған бағалы сыйлықтарға ие болып, ұйымдастырушылар тарапынан дайындалған дипломдармен марапатталды.
«Толқын» ақпарат.
03 қыркүйек 2019 ж. 1 166 0