ЖАСТАРДЫ ҚОЛДАУ ЕЛ БОЛАШАҒЫН ЖАРҚЫН ЕТЕДІ

Біз Елбасы Н. Назарбаевтың қамқорлығын ұдайы сезініп отырамыз. Білім алып жан-жақты дамуымызға, өз кәсібімізді ашып армандарымызды жүзеге асыруымызға мемлекет тарапынан қолдау жоғары. Оған дәлел, бүгінгі «Нұр әлем» павильонында Елбасы Нұрсұлтан Назарбаевтың қатысуымен өткен «Тәуелсіздік ұрпақтары» атты жастар жылының ашылу салтанаты. Айтулы шарада еліміздің түкпір-түкпірінен келген жас кәсіпкерлер, өнертапқыштар, ақындар, ғалымдар, тағы да басқа түрлі мамандықты жетік меңгерген жастар болды. Олар өздерінің жетістікке жету жолдары туралы айтып, Елбасына алғыстарын білдірді. 
Менің де бұл күні бала кезден бері келе жатқан асқақ арманым орындалды. Елбасымен бірге бір аудиторияда отырып, оның айқын бейнесін көрдім. Ғибратты әңгімесін тыңдадым. Бұл – менің өмірімдегі ең бақытты сәттердің бірі. Елбасының «Табысты болу талантта ғана емес, 90 пайыз еңбекте жатыр» – деген сөзі маған үлкен мотиватция сыйлады.
Сондай-ақ, жас кәсіпкерлерді қолдау мақсатында қайтарымсыз гранттар санын арттыру керектігін де басты назарға алды. Бұл – біз сияқты жас кәсіпкерлер үшін бұл таптырмас мүмкіндік. Мен де алдағы уақытта Елбасы артқан сенім үдерісінен шығу мақсатында өз кәсібімді одан әрі жандандырып, мал шаруашылығын одан әрі дамытуды қолға алғым келеді.
Биылғы «Жастар жылы»  жастардың өз мақсаттарын жүзеге асыруға мол мүмкіндік бермек. Жастық жігерін жақсы нәрсеге жұмсап, ерінбей еңбек еткен жанның болашағы да жарқын болары ақиқат.
Елнұр ЕЛШЕКЕНОВ,
жас кәсіпкер.