Мемлекет экономикасының темірқазығы

         Төл валютамыздың айналымға шыққанына ширек ғасырдан асты. Төл валютаны енгізу – бұл егемен елдің экономикасын құру бағытындағы үлкен істің бастауы және экономикамыздың сол кезде қалыптасқан құрылымы мен ерекешеліктерін ескере отырып, тәуелсіз қаржы-несие саясатын жүргізудің мүмкіндігі болды. Ұлттық валютамыз өз елімізде ғана емес, одан тысқары жерлерде де сенімді беделге ие болып келеді. Өз валютамыздың болуы Ұлттық банкте тәуелсіз ақша-кредит саясатын жүргізуге мүмкіндік берді. Арада 27 жыл өтсе де  «Ұлттық банктің Арал есеп-айрысу касса орталығы» қызметкерлерінің 2 аптадай уақытқа созылған ақша алмасу процесі кезінде күндіз-түні қажымай  жасаған ерен еңбегі дәл қазіргідей көз алдымызда. Күлжахан Қапақова, Оразгүл Елемесова сынды қызметкерлермен бірге өзімнің де төл теңгемізді алғашқылардың бірі болып қолыма ұстағанымда ерекше сезімде болғаным есімде.         Арал аудандық қазынашылық басқармасы қазіргі таңда кассалық негізде жұмыс жасамағанымен, атқаратын функциясы өзгерген жоқ деп айтуға болады. 101  бюджеттік мемлекеттік мекемеге 8 қызметкер қазынашылық-клиент жүйесінде бюджеттің атқарылуына  қызмет көрсетеді.
         Мемлекет мәртебесін өсіру мен экономикасының нығаюы жолында теңгенің орны қашанда ерек.Президент Қасым-Жомарт Тоқаев халыққа арнаған алғашқы Жолдауында ұлттық валютаның əлеуетін күшейту мен елдегі ақша-несие саясатына бірнеше мəрте тоқталып, Ұлттық банк пен Үкіметке тиісінше тапсырма жүктегені мәлім. Мəселен, тұтыну несиесінің тым көптігін сынға алып, жедел шара қабылдау керектігін қадап айтқан еді. Ал "Жаңа жағдайдағы Қазақстан: іс-қимыл кезеңі" атты биылғы Жолдауында елімізде ақша-несие саясатын оңтайландыратын комитет құру қажеттігін айтты. Ұлттық банк қазір осыған қамданып жатыр. Бұл жұмыстармен жаңадан ашылатын комитет айналысады. Міндеті – ақша-несие саясатындағы шикіліктерді жою, теңгеге деген сенімді күшейту және инфляцияны тұрақты ұстау. Ел экономикасына ұзақ мерзімді шетел инвестициясын тартуға осы комитет жауапты болады. Бұл арнайы алқалы орган болады. Комитет жыл соңына дейін құрылады деп күтілуде.
         Егеменді еліміздің және ауданымыздың экономикасының нығаюы мен дамуына бағытталған,  бюджет қаражатын тиімді және мақсатты жұмсалуына еңбек сіңіріп жатқан қаржы саласы қызметкерлерін Ұлттық валюта – Теңге күні мерекесімен құттықтап, еңбектеріне табыс, отбасыларыңызға береке-бірлік тілейміз!

Раш Сералиева,
Арал аудандық қазынашылық басқармасы басшысының орынбасары