Аралда 8 адамнан коронавирус анықталды

Бүгін аудан әкімі М. Оразбаевтың төрағалығымен жедел штаб отырысы өтті. Жиынға бөлім басшылары, кент пен қала әкімдері қатысты. Ал ауылдық округ әкімдері онлайн форматта қатыстырылды. Жиынның күн тәртібінде коронавирустың аудан аумағында тіркелуі туралы мәселе қаралды.
Жиында аудан әкімі М.Оразбаев бүгінгі ахуалдың көңіл көншітпейтіндігін айта келіп, вирус жұқтырғандардың саны сегізге жеткендігін мәлімдеді.
– Ауданда соңғы тәулікте коронавирусқа шалдыққандар саны 8-ге жетті. Оның үшеуі Сексеуіл кентінің тұрғындары болса, қалған науқастар Арал қаласынан анықталды. Бұл – санитарлық талаптарды күшейту керек деген сөз, – деді аудан басшысы.
Сонымен қоса санитарлық шараларды қатаң сақтауды қадағалау жөнінде мабильді топтың жұмысын күшейтуді тапсырып, сала басшыларына тапсырмалар жүктеді.
Н. Марат