"Қазидың қайсар қаламы" атты фотокөрме ұйымдастырылды

Бүгін Ұлы Наурыз мерекесі қарсаңында Арал аудандық тарихи-өлкетану музейінде көркем шығарма шебері, әдебиет деген Алтын Тауға Ту тіккен Қарақұмның Қазиы, журналист-жазушы Қази Данабаевтың 70 жылдығына арналған "ҚАЗИДЫҢ ҚАЙСАР ҚАЛАМЫ" атты кең көлемді фотокөрме ұйымдастырылды.

Бұл мазмұнды шараға марқұм Қази ағаның бауырлары мен балалары, үзеңгілес болған жолдастары қатысты. Алдымен Қази өмірдеректеріне тоқталып, қызметі мен халық игілігіне жасаған істері жайында кең көлемде мағлұмат берді.

Сонымен бірге жазушының ұрпаққа өнеге болар өлеңдерін қаланың мектеп оқушылары нақыныша келтіре орындап, күміс көмей күйші қызымыз Ақмарал шығармашылығынан бірнеше әндерін көпшілікке тарту етті.