Толқын Tolqyn.kz ақпараттық агенттігі
» » Атқарушы билік халық алдында(Жетес би ауылдық округі)

Атқарушы билік халық алдында(Жетес би ауылдық округі)

Жылдағы дәстүрге сай барлық деңгейдегі әкімдер ел алдында есеп беру жұмысын бастап та кетті. Аудан әкімі М.Оразбаев Құланды, Қаратерең, Жаңақұрлыс, Бөген, Аманөткел, Қосжар, Жетес би, Райым ауылдық округтерінде болып, халықпен кездесті. Есепті кездесуге Қызылорда облыстық жердің пайдалануы мен қорғалуын бақылау басқармасының басшысы Қ.Тоғызбаев екен арнайы келіп қатысты. Өткен жылы атқарылған жұмыстар төңірегінде жиналғандар алдында есеп берген аудан басшысы М.Әуесұлы еліміз үшін тауық жылы табыспен түйінделгенін жан-жақты баяндап, үстіміздегі жылдың негізгі міндеттеріне басымдық берді.

Жетес би. Есепті кездесу одан әрі Жетес би ауылдық округінде жалғасын тапты. Бұл округте де тыңғылықты жұмыстар жетерлік. Әсіресе, 2017 жылдың басты жаңалығы-Ескіұра елді мекенінде 2016 жылы «СК и Монтаж» ЖШС арқылы 50 орындық мектеп және 20 орындық балабақша құрылысы басталып, жаңа мектеп пайдалануға берілді. Сондай-ақ, «Нәтижелі жұмыспен қамту және жаппай кәсіпкерлікті дамытудың 2017- 2021 жылдарға арналған бағдарламасын» іске асыру аясында «Бастау-Бизнес» бағдарламасы бойынша 5 адам, «Бизнес кеңесші» бойынша 1 адам барлығы 6 азамат несие алу үшін оқып, сертификаттарын алды. Сондай-ақ, осы жылы аудандық жұмыспен қамту бөліміне округ бойынша жұмыс сұрап тіркелгендер саны 39 адам. Оның ішінде қоғамдық жұмысқа тартылғандары 8 адам, Ескіұра елді мекеніндегі №281 негізгі мектебіне 31 адам тұрақты жұмысқа орналасты. Мемлекеттік бағдарламамен несие алған ЖК «О. Орынбаева» 1 адамды тұрақты жұмыспен қамтыды.
Бұдан басқа да ілкімді істерді округ әкімі М. Жақсылық өз баяндамасында атап өтті. Учаскелік полиция қызметкер Қ. Қаражанов қылмыстық істер мен қоғамдық тәртіпті қалыптастыру жолындағы атқарылған шаралары жайын ашып айтты.
Аудан әкімі М. Оразбаев тарих қойнауына еніп үлгірген тауық жылындағы толағай табыстарды көрсетіп, атап өтті.
Есепті кездесу соңында ауылдық ардагерлер кеңесінің төрағасы Ж. Тілеуімбетова Қызылжар елді мекеніне кіреберіс автомобиль жолын жөндеу жұмыстарының ІІ кезеңін жеделдетуді сұрап, аудан басшысы тарапынан қанағаттанарлық жауап алып, кездесуге қатысушыларға тағы бір жағымды хабар жеткізді.

Оңталап Жолдасов.
18 қаңтар 2018 ж. 1 920 0