Бірлігі бар елде береке болады
Елімізде тұңғыш рет ауыл әкімін таңдау мүмкіндігінің жергілікті тұрғындарға тапсырылуы озық өркениет үлгісі. Сайлау - бүгінгідей қиын уақытта халық ретінде ұйыстыратын бірлік пен болмыстың сындарлы сыны болып табылып отыр.Тәуелсіздіктің 30 жылдығы аясында еліміз көптеген жетістіктерге қол жеткізді. Жаман ойдан арылып, ортақ мүдде үшін еңбек етуде Осы бағытқа жол салатын әкімдерді тікелей таңдау - халық үшін жасалған мол мүмкіндік, елдік бастама. Осы сайлауда үлкен-кіші де бірауыздан сайлауға қатысып атсалысуда. Соның арасында ауыл қариясы да бар.
– Жұртымызда: "Ырыс, қайда басарсың?" - дегенде: "Ынтымағы артқан елге барамын", - деген тәмсіл бар. Ендеше "Жұмыла көтерген жүк жеңіл" деп ел абыройын асқақтатар айтулы істе озық ойлылық, жауапкершілігіміздің жарқын үлгісін көрсетейік, ауызбірлігіміз мол болсын, – деп батасын берді ауыл қарты Кеңес Нұрбаев.
