СЕМИНАР КЕҢЕС ӨТКІЗІЛДІ

Өткен аптада аудан әкімінің аппарат басшысы Н. Бохаевтың төрағалығымен  облыс әкімі аппаратының құжаттамалық қамтамасыз ету және бақылау бөлімі  өкілдерінің қатысуымен жеке және заңды тұлғалардың өтініштерімен жұмыс жасау барысы туралы семинар кеңес өткізілді. Аталмыш семинарға аудандағы дербес бөлімдер мен қала, кент, ауылдық округ әкімі аппараттарының жауапты мамандары қатысып, Қазақстан Республикасы «Жеке және заңды тұлғалардың өтініштерін қарау тәртібі туралы» Заңының қолданылуына,  ҚР Бас Прокурорының 18.12.2015 жылғы №147 бұйрығымен бекітілген «Жеке және заңды тұлғалардың өтiнiштерiн есепке алу Қағидасы талаптарының сақталуы туралы мәселесі талқыланды.
Сонымен бірге мамандар өздерін толғандырып жүрген мәселелер бойынша сұрақтарына жауап алып, облыстан келген өкілдер тарапынан әдістемелік көмек көрсетілді.
Аппарат басшысы Н. Бохаев әрбір келіп түскен өтінішке мұқият болып, орын алған кемшіліктерді алдағы уақытта болдырмауға нақты шаралар қабылдануы қажеттігін айтты. Сондай-ақ жылдың қорытындысымен «Б» корпусының мемлекеттік әкімшілік қызметшілерінің қызметін бағалау әдістемесіне сәйкес жұмыс жүргізу кезінде жауапты мамандардың, бірінші басшылардың жеке және заңды тұлғалардың өтініштерімен жұмыс жасау деңгейіне тиісті баға берілетіндігін атап өтті.