Аудан орталығында кезекті жәрмеңке өткізілді

Өңірдегі орын алған қуаңшылық жағдайына байланысты мал азығының тұрақты түрде жеткізілуін қамтамасыз ету мақсатында әр сенбі сайын аудан орталығында жем-шөп сатылымы мен ауылшаруашылығы өнімдерінің жәрмеңкесі ұйымдастырылуда.Бүгін Арал қаласындағы «Шанхай» мөлтек ауданындағы темір жол өткелінің маңында кезекті төрт түлікке қажетті мал азығының сатылымы мен жергілікті өнімдердің жәрмеңкесі өткізілді.

Аталған шараға Жалағаш ауданына 50 тонна, Сырдария ауданына15 тонна, Қармақшы ауданына 28 тонна пішен және жоңышқа шөптері әкелініп, тиімді бағада саудаланды.

Ал, ауданға қарасты Жақсықылыш кенті мен Ақирек, Атанши, Бекбауыл, Жетес би ауылдық округтерінің бақша дақылдары мен ет және сүт өнімдері нарық бағасынан 10-15 пайыз төмендетілген бағамен босатылды.