АУДАН КІТАПХАНАШЫЛАРЫ ЖЕҢІС ТҰҒЫРЫНДА

Бүгін аудан әкімінің орынбасары Бектемір Жұмағұлов бірқатар кітапхана саласының үздіктерін қабылдап, облыстық байқауда оза шапқан жеңімпаздарды марапаттады. Нақтырақ айтар болсақ, Ә.Тәжібаев атындағы облыстық әмбебап ғылыми кітапханасы Қазақстан Республикасы Тәуелсіздігінің 30 жылдығына орай және « Бір ел- бір кітап» республикалық акциясы аясында «Жыл кітабын бірге оқимыз!» атты облыс кітапханашылары арасында екінші мәрте онлайн байқау ұйымдастырған болатын.

---

Байқауға «Бір ел –бір кітап» акциясы аясында жалпыхалықтық оқуға ұсынылған шығармалар қатарынан жергілікті жазушы Т.Нұрмағанбетовтің «Періштелердің өлімі» романын талқылау ұсынылған.
Кітапханашылардың кәсіби шеберліктерін шыңдау мақсатында ұйымдастырылған байқауға облыс бойынша аудан, қала, ауылдық кітапханалардан 55 кітапханашы қатысып, өз біліктіліктерін ортаға салды.
Байқау нәтижесінде әділ қазылардың шешімімен 1 дәрежелі дипломды Қосжар ауылдық кітапханасының кітапханашысы иеленсе, 3 дәрежелі дипломмен Аудандық орталық кітапхананың әдіскері Нысанжанова Таңшолпан марапатталып, аудан мерейін асырды.
Айта кетейік, аудан бойынша жалпы 15 кітапханашы байқауға өз жұмыстарын ұсынып, арнайы алғыс хаттармен марапатталды.

Арал ауданы әкімінің баспасөз қызметі